ექსელენს ცენტრი (Center of Excellence) პირველი მსგავსი პროფესიული განათლების ინსტიტუტია საქართველოში, რომელიც მწვანე ეკონომიკის ტექნოლოგიური მოთხოვნების შესაბამისად, საერთაშორისო დონის სამუშაო ძალისა და მეწარმეების განვითარებას უზრუნველყოფს.
გერმანიის მთავრობამ, KfW განვითარების ბანკის მეშვეობით, საქართველოს მთავრობას გამოუყო 20 მილიონი ევროს (საინვესტიციო ღონისძიება) ოდენობის სესხი და 3 მილიონი ევრო გრანტის სახით (თანმხლები ღონისძიება) პირველი ექსელენს ცენტრის მშენებლობისა და ოპერირებისთვის, რომელიც მოემსახურება ორ პრიორიტეტულ სექტორს - ლოგისტიკისა და მშენებლობის მიმართულებებს საქართველოში.
2021 წლის დეკემბერი – 2026 წლის აპრილი (53 თვე)
საქართველოს განათლებისა და მეცნიერების სამინისტრო
საგანმანათლებლო და სამეცნიერო ინფრასტრუქტურის განვითარების სააგენტო (ESIDA)
PEM Consult GmbH (გერმანია)
Deutsche Bahn Engineering & Consulting (გერმანია)
DMARK Architectural Design Company (საქართველო)
ცენტრის მისიას წარმოადგენს წარმართოს და დააჩქაროს ადამიანური კაპიტალის განვითარება მშენებლობისა და ლოგისტიკის სექტორში, საერთო ძალისხმევით და გაზიარებული საჯარო-კერძო პასუხისმგებლობით.
ცენტრის ხედვაა გახდეს ცვლილების კატალიზატორი პროფესიული განათლების განვითარებისა და სრულყოფის პროცესში, უპასუხოს სწრაფად ცვალებად მოთხოვნებს და მოემსახუროს მშენებლობისა და ლოგისტიკის სექტორებს, როგორც ადგილობრივ, ისე საერთაშორისო დონეზე.
თანამედროვე საგანმანათლებლო დაწესებულება აშენდება თბილისში, განათლებისა და მეცნიერების ქალაქში, რომელიც მდებარეობს დიდ დიღომში. იგი იქნება ქვეყანაში პირველი საგანმანათლებლო დაწესებულება, რომელიც თავის კლიენტებს შესთავაზებს მრავალფუნქციურ მწვანე კამპუსს, აამაღლებს გარემოსდაცვითი ცნობიერების დონეს, გააღრმავებს ცოდნას მწვანე პროგრამებისა და ტექნოლოგიების შესახებ, მოახდენს მწვანე კულტურისა და მწვანე კამპუსის მართვის პრინციპების პოპულარიზაციას.
ექსელენტ ცენტრში სახელოსნოები და აუდიტორიები აღჭურვილი იქნება ისეთი თანამედროვე ტექნოლოგიებით, როგორიცაა: ჭკვიანი ლაბორატორია, ხელოვნური ინტელექტი და რობოტული სისტემები. შესაბამისად, სასწავლო პროცესში სტუდენტებს შესაძლებლობა ექნებათ პრაქტიკული გამოცდილება მიიღონ ისეთ ტექნოლოგიებთან მუშაობით, რომელიც გამოიყენება ინდუსტრიაში მსოფლიოს მასშტაბით.
პირველ წელს, ცენტრი დანერგავს მრავალ-პროფილურ პროგრამებს, რასაც შემდეგ წლებში მოჰყვება უფრო მაღალი საფეხურის სპეციალიზებული მოდულური კურსები.
ცენტრის მართვასა და ოპერირებაში კერძო სექტორის ჩართულობას დიდი მნიშვნელობა ენიჭება - მათ შორის ცენტრის მრჩეველთა საბჭოსა და მმართველობით ფუნქციებში, ასევე, მოთხოვნადი პროფესიული პროგრამების (სადიპლომო და სასერტიფიკატო) დანერგვასა და განხორციელებაში. აქცენტი გაკეთდება სხვადასხვა ფორმის თანამშრომლობით სწავლების პროგრამებზე, რომლის ფარგლებშიც შერწყმული იქნება ცენტრში მიღებული მაღალი ხარისხის თეორიული ცოდნა და საწარმოში კარგად ორგანიზებული პრაქტიკული კომპონენტი.
ექსელენს ცენტრი, როგორც წამყვანი დაწესებულება, ორიენტირებულია არა მხოლოდ ქართველ მომხმარებლებზე, არამედ მიზნად ისახავს მშენებლობისა და ლოგისტიკის დარგში, პროფესიული განათლების პროგრამების ინტერნაციონალიზაციაზე მთელი კავკასიის რეგიონისთვის. ცენტრის მიერ შემოთავაზებული პროგრამების ფარგლებში გაიცემა საერთაშორისოდ აღიარებული სერთიფიკატები, რაც მოიზიდავს საერთაშორისო პარტნიორებს და სფეროში არსებულ საუკეთესო პრაქტიკას. დაინერგება სხვადასხვა გაცვლითი პროგრამები სტუდენტებისა და მასწავლებლებისთვის, მათი შესაძლებლობების გაუმჯობესებისა და პრაქტიკული სწავლებისთვის საჭირო უნარების განსავითარებლად.
საერთაშორისო ტენდერი თბილისში სამშენებლო და ლოჯისტიკის მიმართულებით პროფესიული განათლების ექსელენს ცენტრის (CoE) მშენებლობაზე გამოცხადდა, რითაც პროექტი მის მთავარ ეტაპს უახლოვდება.
საერთაშორისო ტენდერი თბილისში სამშენებლო და ლოჯისტიკის მიმართულებით პროფესიული განათლების ექსელენს ცენტრის (CoE) მშენებლობაზე გამოცხადდა, რითაც პროექტი მის მთავარ ეტაპს უახლოვდება. სატენდერო მომსახურება მოიცავს სამი შენობის მშენებლობას, რომელშიც შედის საკლასო ოთახები და სახელოსნოები, ერთი საერთო საცხოვრებლის მშენებლობას და გარე ობიექტების გამწვანებას.
ერთი წლის განმავლობაში, PEM Consult-ის საერთაშორისო ექსპერტები მჭიდროდ თანამშრომლობდნენ ქართველ კოლეგებთან საგანმანათლებლო და სამეცნიერო ინფრასტრუქტურის განვითარების სააგენტოდან (ESIDA), რათა შესაბამისი დოკუმენტაცია შესყიდვების საერთაშორისო წესებისა და რეგულაციების შესაბამისად მომზადებულიყო.
ტენდერში მონაწილეობის მიღება შეუძლიათ ადგილობრივ და საერთაშორისო კომპანიებს, რომლებიც დააკმაყოფილებენ სატენდერო მოთხოვნებს. დოკუმენტაციის წარდგენის ბოლო ვადაა 2023 წლის 10 ნოემბერი. დეტალური ინფორმაცია შეგიძლიათ იხილოთ გერმანული ვაჭრობისა და ინვესტიციის ვებ-პლატფორმაზე და აგრეთვე, საქართველოს სახელმწიფო შესყიდვების ვებგვერდზე.
პროფესიული განათლების პროგრამა I (VEP I) აგრძელებს საკონსულტაციო შეხვედრებს მშენებლობისა და ლოგისტიკის სექტორის წარმომადგენლებთან. 3 მაისს, გერმანიის ეკონომიკური გაერთიანების წევრებთან გამართულ საკონსულტაციო შეხვედრაზე, რომელიც DWV-სა და PEM Consult-ის მიერ იყო ორგანიზებული, პროექტის გუნდმა წარადგინა ახალი „ექსელენს ცენტრის“ კონცეფცია და განიხილა, თუ როგორ შეძლებს დაწესებულება უპასუხოს კერძო სექტორის საჭიროებებს.
შეხვედრას ესწრებოდა 60-ზე მეტი მონაწილე, მათ შორის კერძო სექტორის, ბიზნეს ასოციაციების, პროფესიული საგანმანათლებლო დაწესებულებების, საქართველოს განათლებისა და მეცნიერების სამინისტროს, გერმანიის საელჩოს, KfW-სა და GIZ-ის წარმომადგენლები.
მისასალმებელ სიტყვაში განათლების სამინისტროს, გერმანიის საელჩოსა და KfW-ის წარმომადგენლებმა ხაზი გაუსვეს პირველი ექსელენს ცენტრის დაარსების მნიშვნელობას, რაც საქართველოს პროფესიული განათლების სისტემაში შემოიტანს საუკეთესო საერთაშორისო და გერმანულ გამოცდილებას მშენებლობისა და ლოგისტიკის მიმართულებით, და შესაბამისად, პროფესიულ განათლებას საქართველოში გადაიყვანს განვითარების შემდგომ ეტაპზე, რაც გულისხმობს დარგის საჭიროების უკეთ დაკმაყოფილებას.
კერძო სექტორის წარმომადგენლებმა გამოხატეს დიდი ინტერესი პროექტის მიმართ და გამოავლინეს მზადყოფნა, აქტიურად ითანამშრომლონ ახალ დაწესებულებასთან შემდეგი მიმართულებებით: დუალური და კოოპერაციული პროგრამების შეთავაზება, ადამიანური კაპიტალის განვითარება, მასწავლებლებისა და ინსტრუქტორების გადამზადება, სტაჟირების შესაძლებლობა და ა.შ.
ახალი დაწესებულების მიმართ ბიზნესის მთავარი მოლოდინია, რომ ის გახდება ახალი პროფესიებისა და საუკეთესო ტექნიკური ინოვაციების დანერგვის პიონერი, და უზრუნველყოფს ინდუსტრიულ ზრდას, ქართულ პროფესიული განათლებაში რეალური სამუშაო გამოცდილების შემოტანის გზით.
10 მარტს, საქართველოს განათლებისა და მეცნიერების სამინისტროში, პროფესიული განათლების პროგრამის I ფარგლებში, ექსელენს ცენტრის (CoE) პროექტის განხორციელების სტატუსის შესახებ შეხვედრა გაიმართა. შეხვედრას ესწრებოდნენ განათლებისა და მეცნიერების მინისტრის მოადგილე ვალერიან გობრონიძე, გერმანიის საელჩოს განვითარების თანამშრომლობის ხელმძღვანელი ლიდია კრისტმანი და KfW-ის, პროფესიული უნარების სააგენტოს, პროფესიული განათლების განვითარების დეპარტამენტის, ESIDA-ისა და PEM Consult-ის წარმომადგენლები.
შეხვედრის მიზანი იყო პროექტის განხორციელების პროგრესის წარმოჩენა და იმ აქტუალური საკითხების განხილვა, რომლებიც საჭიროებს გადაუდებელ ყურადღებას და გადაწყვეტილების მიღებას. შეხვედრაზე განხილული იყო პროექტის დეტალური ბიზნეს გეგმის მოდელი და მისი განხორციელების ვადები, აგრეთვე არქიტექტურული პროექტი და ექსელენს ცენტრის მიერ შეთავაზებული კვალიფიკაციებისა და პროფესიების ჩამონათვალი.
პროექტის განხორციელების პროცესში შემდეგი საკვანძო ეტაპებია (i) არქიტექტურული დიზაინის დასრულება და (ii) 16 გერმანული საგანმანათლებლო სტანდარტის ადაპტაცია ქართულ საგანმანათლებლო სტანდარტებთან და მასთან დაკავშირებული სილაბუსების შემუშავება, რაც ცენტრის ავტორიზაციის მომზადებისთვის მნიშნველოვანი ეტაპია.
2 თებერვალს საქართველოს განათლებისა და მეცნიერების სამინისტროში ექსელენს ცენტრის (CoE) დეტალური ბიზნეს მოდელის პრეზენტაცია გაიმართა. პროექტის ჯგუფმა საქართველოს განათლებისა და მეცნიერების მინისტრის მოადგილეს, ბ-ნ ვალერიან გობრონიძეს და პროგრამის განმახორციელებელი სააგენტოს წარმომადგენელებს, კერძოდ, პროფესიული განათლების განვითარების დეპარტამენტის, საგანმანათლებლო და სამეცნიერო ინფრასტრუქტურის განვითარების სააგენტოს (ESIDA) და უნარების სააგენტოს თანამშრომლებს გააცნო დეტალური ინფორმაცია ექსელენს ცენტრის ბიზნეს მოდელის გეგმის ძირითადი მახასიათებლების შესახებ.
შეხვედრაზე წარმოდგენილი იყო ბიზნეს მოდელის ძირითადი ასპექტები და განხორციელების გეგმები, კერძოდ ცენტრის დაფუძნებისთვის საჭირო სამართლებრივი ვარიანტები, პროფესიული პროგრამები და კვალიფიკაციები, ცენტრის ქსელის პარტნიორების შერჩევის სტატუსი, HR სტრატეგიები და ფინანსური მოდელირების ჩარჩო, ასევე არქიტექტურული გუნდის მიერ წინასწარ მომზადებული დიზაინის ანგარიში.
პროგრამის შემსრულებელი სააგენტოს წარმომადგენლებმა გაახმოვანეს მათი შენიშვნები და რეკომენდაციები. გუნდი შეთანხმდა, რომ ტექნიკური სამუშაო ჯგუფის შემდეგ შეხვედრებზე გაგრძელდება თითოეულ თემის დეტალური განხილვა, კერძოდ, CoE-ს დაარსების სამართლებრივი საკითხები და CoE-ს საპარტნიორო ქსელი პროფესიული განათლების ეკოსისტემაში. პროექტი გააგრძელებს აქტიურ კომუნიკაციას მთავარ ჩართულ პირებთან, რათა უზრუნველყოს საჭირო მხარდაჭერა შემოთავაზებული ბიზნეს მოდელის დამტკიცებულ ვადებში განხორციელებისთვის.
15 ნოემბერს, პროფესიული განათლების პროგრამის (VEP I) პროექტმა, ინდივიდუალური კონსულტაციების სერიის შემდეგ, პირველი საკონსულტაციო სამუშაო შეხვედრა გამართა კერძო სექტორისა და ბიზნეს ასოციაციების წარმომადგენლებთან თბილისში, ახალი „ექსელენს ცენტრის“ კონცეფციის წარსადგენად, რომელიც გერმანიის (KfW) და საქართველოს მთავრობის დაფინანსებით ხორციელდება. სამუშაო შეხვედრზე განიხილეს თუ როგორ შეძლებს ცენტრი მოემსახუროს კერძო სექტორის საჭიროებებს და მოლოდინებს მაღალ-კვალიფიციური სამუშაო ძალის შექმნის კუთხით, სამშენებლო და ლოგისტიკის სექტორებში.
პროექტის გუნდმა წარმოადგინა ექსელენს ცენტრის ბიზნეს მოდელი, მისი ძირითადი ფუნქციები და პროგრამების ჩამონათვალი. მონაწილეებს ასევე გააცნეს ცენტრის არქიტექტურული დიზაინის კონცეფცია.
„მოხარული ვართ კერძო სექტორის ასეთი აქტიურობით და თანამშრომლობით. მათი ჩართულობა კიდევ ერთხელ ხაზს უსვამს ასეთი პროექტის მნიშვნელობას და აქტუალურობას. ჩვენ გავაგრძელებთ ამ პლატფორმის გამოყენებას და პერიოდულად მოვაწყობთ მსგავს შეხვედრებს, რათა, ერთის მხრივ, დაინტერესებული მხარეები ჩავაყენოთ საქმის კურსში პროექტის მიმდინარეობის შესახებ და, მეორის მხრივ, მოვისმინოთ მათი შეხედულებები და რეკომენდაციები პროექტის დაგეგმვისა და განხორციელების პროცესში, და არა მის შემდგომ“, - განაცხადა მარიტა მუნსკმა, PEM-ის მმართველმა დირექტორმა.
სამუშაო შეხვედრას ოცზე მეტი კომპანიის და ბიზნეს ასოციაციის წარმომადგენელი დაესწრო. მათი უმეტესობა თანხმდება, რომ სამშენებლო და ლოგისტიკის სექტორებს კრიტიკულად სჭირდება მაღალი ხარისხის სამუშაო ძალა, თუმცა პროფესიული განათლების დაბალი რეპუტაციის გამო ახალი თაობის მოზიდვა ძალიან რთულია.
სემინარის დასასრულს, მონაწილეებმა გაუზიარეს თავიანთი შეხედულებები, თუ როგორ ხედავენ ასეთი ცენტრის როლს და როგორ უნდა უპასუხოს მან მათ საჭიროებებს. მონაწილეები შეთანხმდნენ გრძელვადიანი პარტნიორობისა და თანამშრომლობის პლატფორმის აგების აუცილებლობაზე.
1977 წლიდან PEM Consult მუშაობს ყველა ძირითად სფეროში, რომელიც დაკავშირებულია მდგრად სოციალურ და ეკონომიკურ განვითარებასთან გარდამავალი ეკონომიკის მქონე ქვეყნებში. PEM Consult-ის ძირითადი კომპეტენციებია ტექნიკური და პროფესიული განათლება და ტრენინგი (TVET) და კერძო მცირე და საშუალო საწარმოების (SME) მხარდაჭერა. კომპანიის წამყვანი ხედვა არის შეიტანოს წვლილი გლობალურ დონეზე მდგრადი განვითარების კუთხით, რაც აისახება ეკონომიკურ ეფექტიანობაში, სოციალურ სამართლიანობასა და ეკოლოგიურ მდგრადობაში. PEM Consult საქართველოში 2014 წლიდან მუშაობს და აქვს მუდმივი დაწესებულება თბილისში. PEM Consult-ის შესახებ დეტალური ინფორმაციისთვის ეწვიეთ: www.pem-consult.de
მარიტა მუნკსი, PEM Consult-ის მმართველი დირექტორი და პარტნიორი, უზრუნველყოფს VEP 1 პროექტის სტრატეგიულ მენეჯმენტს და ფოკუსირებულია ცენტრის სტრატეგიის შემუშავებასა და შესაძლებლობების განვითარებაზე, PEM Consult-ის სათაო ოფისიდან დიუსელდორფში, გერმანია.
კონტაქტი: marita.muenks@pem-consult.de
დავით ბახტაძე, არქიტექტურული კომპანიის DMARK-ის დამფუძნებელი და არქიტექტორი თბილისში და PEM Consult-ის ქვე-კონსულტანტი, პასუხისმგებელია ცენტრის არქიტექტურულ დიზაინზე.
კონტაქტი: d.bakhtadze@dmark.ge
იენს ვინკლერი, PEM Consult-ის არქიტექტორი და პროექტის მენეჯერი, პასუხისმგებელია ცენტრის დიზაინზე, მათ შორის ტექნიკურ ნახაზებზე, ხარჯთაღრიცხვაზე, ტექნიკურ მახასიათებლებზე და სატენდერო პროცედურებზე.
კონტაქტი: jens.winkler@pem-consult.de
ლუკას სიცენი, PEM Consult-ის უფლებამოსილი ოფიცერი და პროექტის მენეჯერი, პასუხისმგებელია შესყიდვების პროცესების უზრუნველყოფაზე KfW-ის რეგულაციების მიხედვით და მხარს უჭერს VEP 1-ის ინფრასტრუქტურის კომპონენტს.
კონტაქტი: lukas.sitsen@pem-consult.de
პროფესორი გებჰარდ ჰაფერი, DB და PEM Consult Associate, პასუხისმგებელია ლოგისტიკის დარგში პროფესიული განათლების პროგრამების დიზაინზე საერთაშორისო სტანდარტების მიხედვით, ასევე სასწავლო გეგმისა და მასალების შემუშავებაზე, მასწავლებელთა ტრენინგზე, სემინარების დიზაინსა და კერძო სექტორის ჩართულობაზე.
საკონტაქტო: gebhardhafer@googlemail.com
დიმიტრი უზნაძის ქ. #52
თბილისი, 0102, საქართველო